LAING 114 ka mga miyembro nakadawat og tabang sa KaBrigadahan GenSan

MOKABAT sa 114 ka mga miyembro ang nakadawat og tabang sa KaBrigadahan GenSan adlawng Sabado.

Atol sa programa sa 89.5 Brigada News FM GenSan sa KaBrigadahan GenSan gitunol ang maong mga hinabang.

Mokabat sa P400-K plus ang natigom nga kwarta gikan sa pag-amot amot sa mga miyembro ug gibahin usab sa mga nagkinahanglan og tabang.

Ang mga natabangan gilangkuban sa mortuary ug hospitalization asa tulo sa 114 ang gitunolan sa sibyahanan .

Sila mao si Kenny Vera Cruz nga alang sa asawa nga si Catherine nga na-ospital ug nagapaayo na, ingon man si Rachel nga midawat sa hinabang alang kang Enriquetta Villegas alang sa hospitalization ug Jovy Latumbo, nga nabanggaan sa sakyanan ug kinahanglan ang dakong kantidad sa pagpa-ayo human mabalian og bukog.

Pulos nagpasalamat ang tulo sa nadawat nga suportang pinansyal nga bisan gamay apan nakatabang usab sa ilang panginahanglanon.

Hugot usab nga nagpasalamat si Idol Brigada Elmer V. Catulpos sa tanang mga miyembro nga mitabang aron matigom ang kantidad alang sa nanginahanglan nga miyembro.

Subling gihingusgan ni idol Brigada Elmer nga ang KaBrigadahan GenSan ang gimugna sa mga tawo nga naninguha usab nga makabarog sa ilang kaugalingon, sa ilang pagtinabangay.

File Photo: KaBrigadahan Gensan

Leave a Reply

Your email address will not be published. Required fields are marked *