NAHIMONG aktibo ang mga miyembro sa Barangay Covid Control Force atol sa laing Sunday lockdown sa Gensan aron nga mapugngan pa ang padayong pagkatag sa COVID-19.
Usa sa naagihan sa Patrol sa Brigada ang mga BCCF sa Purok Balunto, Labangal nga nagabantay sa kanto national highway og sa ilang purok.
Sumala sa ilang chairman nga si Marjun Impal aktibo sa gihapon sila sa pagbantay sa ilang lugar may suhol o wala kay alang gihapon kanila ang ilang ginahimo matag adlaw nga Dominggo.
Gipasabot ni Impal nga ang ilang ginahimo susama gihapon sa unang mga adlaw nga Dominggo, ilang ginapabalik ang mogawas nga suroy ang tumong, apan ilang ginatugotan ang mga trabahante sa canning, mga magsimba sa Simbahang Katoliko ug sa uban pang simbahan.
Samtang sa ilang bahin gibutyag ni Impal, virtual ang ilang simba kay nag-positive sa COVID-19 ang anak sa ilang pastor.
Gidugang ni Impal nga ubay-ubay pod ang katawhan nga ilang gipabalik sa balay.
Samtang aktibo usab ang CYMPIL sa pagtabang sa kapulisan sa pagbantay sa checkpoints sa Gensan,aduna na usab mga kabatan-onan nga gipangdala sa matag estasyon human nakita nga nigawas sa ilang kabalayan unya walay klarong adtuan. ( Ever Diazon)
