Patuloy ang ginagawang paghahanda ng National Disaster Risk Reduction and Management Council (NDRRMC) sa posibleng hagupit ng Bagyong Kiko sa ilang bahagi ng bansa.
Ayon kay NDRRMC spokesperson Mark Timbal, nakikipag-ugnayan na sila sa mga local government units at maging sa mga disaster risk reduction and management council sa Northern Luzon upang matiyak na preparado na ang lahat bago pa tumama ang bagyo.
Inihahanda na rin aniya ang mga awtoridad sa hilagang Luzon ang mga evacuation centers, na pansamantalang sisilungan ng mga pamilyang lubhang maaapketuhan ng bagyo at maging ang mga kagamitan para sa relief and rescue operations.
Samantala, nagbigay na rin ng abiso ang NDRRMC para sa mangingisda sa Northern Luzon na huwag munang pumalaot upang maiwasan ang disgrasya sa karagatan.
