Ibinida ni Pangulong Rodrigo Duterte ang matagumpay na pagkakasabat ng mahigit P3-bilyon na halaga ng shabu sa Zambales kahapon.
Sa kanyang Talk to the People ngayong umaga, pinuri ng Pangulo ang mga operatiba ng PNP, PDEA at iba pang law enforcement agencies dahil napigilan umano nitong maipakalat ang nasa 500 kilos ng iligal na droga.
Nabatid na napatay sa naturang operasyon ang apat na mga Chinese national na sinasabing nagpapatakbo sa iligal na kalakalan ng droga.
Kabilang dito sina Gao Manzhu, 49; Hong Jianshe, 58; Eddie Tan, 60; mula sa Fujian, China; at, Xu Youha,50, naman mula sa Quezon City.
Tiniyak naman ng Pangulo na patuloy ang paglaban ng kanyang administrasyon kontra illigal drugs hangang sa huling araw ng kanyang termino.
