BICOL—Puspusan ang isinasagawang COVID-19 vaccination rollout sa lungsod ng Legazpi para sa layuning maabot ang herd immunity bago ang kapaskuhan.
Ayon kay Mayor Noel Rosal, target nilang mabakunahan ang 50% ng kanilang populasyon bago matapos ang buwan ng Oktubre.
Katumbas ito ng 100,000 na mga indibidwal na kailangang maging fully vaccinated.
Sa ngayon ay nasa mahigit 40,000 pa lang o 20% ng total population ng lungsod ng fully vaccinated sa kabuuang mahigit 96,000 na mga nabakunahan.
Upang maabot ang herd immunity, 140,000 na mga Legazpeño o 70% ng populasyon ang kailangang mabakunahan.
Positibo naman ang alkalde na kaya itong maabot hanggang sa Disyembre basta tuloy-tuloy lang ang pagdating ng mga bakuna.
Maliban sa mga nakalatag na vaccination centers sa mga malls ay mayroon ding vaccination teams na nag-ikot sa mga barangay para bakunahan partikular ang mga senior citizen.### || slm
