NAKATALA og 9 ka kaso sa ‘more infectious’ Covid-19 Delta variant ang Soccsksargen region kung asa usa ang patay.
Sa datus nga gihatag ni Dr. Dyan Padayao, Chief sa Regional Epidemiology and Surveillance Unit (RESU) (as of Sept 01), sa kinatibuk-ang ihap, usa naa sa North Cotabato, lima sa South Cotabato, tag-duha ka kaso ang Sultan Kudarat ug Sarangani samtang usa sa GenSan.
“Actually yung 11 po yun as of kagabi (Sept 01) kasi binigyan namin ng copy si RD (Tan), so we have a total of 11 cases sa Delta in the region,” pahayag ni Padayao.
Duha sa lima ka kaso sa South Cotabato ang nagpadayon sa quarantine, usa ang nakarekober, usa ang patay samtang usa ang giimbestigahan tungod walay opisyal nga report ang health authorities sa lugar kung naa kini sa probinsiya o returning overseas Filipinos (ROF).
Nakarekober na ang duha ka pasyente sa maong variant sa Sultan Kudarat ug ang duha sa probinsiya sa Sarangani.
Ang kaso sa Delta variant sa North Cotabato giimbestigahan sa RESU kung nakarekober o pabilin sa isolation ang pasyente.
Samtang wala pay nadawat nga taho ang RESU gikan sa health office sa GenSan kung asa na ang Covid-19 Delta variant nga pasyente.
Giklaro ni Dr. Padayao nga dili na apil sa ilang ihap ang mga ROF samtang sagad sa kaso ang walay travel history gawas sa rehiyon.
Una nang na-detect sa rehiyon atong Hunyo ning tuiga ang 19 ka kaso sa bag-ong variant sa confirmed patient. Sama sa United Kingdom variant, South African variant, Brazilian Indian mutant strains ug uban pa.
