CAMARINES NORTE- Nagpaalala sa publiko at sa lahat ng mga motorista si CNPPO Provincial Director PCOL JULIUS D GUADAMOR ng mahigpit na pagiingat lalo na sa pagmamaneho,
Ang naturang pahayag ay kasunod ng magkahiwalay na aksidenteng naganap kahapon at nitong nakatalikod na araw sa bayan ng Talisay at Vinzons
Nagresulta ito sa pagkasawi ng 2 katao at pagkasugat ng 9 na iba
Sa bayan ng talisay naganap ang banggaan ng motorsiklo at tricycle bandang alas 2:45 ng madaling araw kahapon sa Maharlika Highway, P-2, Brgy. Binanuaan, Talisay, Camarines Norte na nagresulta sa pagkasawi ng isang 62 anyos na babae at 6 ang nasugatan
Habang sa bayan ng Vinzons, Dead on the spot ang drayber ng motorsiklo ng makabanggaan nito ang isa pang motorsiklo sa kahabaan Maharlika Highway, Purok 5, Brgy. Sto. Domingo ng nabanggit na bayan, sa naturan ring aksidente ang 3 angkas ng mga sangkot na behikulo ay kapwa mga sugatan
Bunsod nito, binigyang diin ni Guadamor na ang pagmamaneho ay kailangan ng ibayong pag-iingat dahil hindi lang buhay ng motorista ang maaring malagay sa peligro, ito rin ay pwedeng magdulot ng kapahamakan sa mga taong maaring maging biktima ng hindi pag-iingat ng ilang mga motorista
