NIPATIK na sa kasaysayan sa probinsya sa Sarangani ang bag-uhay lang nga pagbisita sa labaw sa kapulisan sa nasud nga si PNP Chief General Guillermo Lorenzo Eleazar kuyog ang mga senior officer niini gikan pa sa Camp Crame.
Unang higayon kini nga ang Chief PNP ang nibisita sa iyang mga municipal ug provincial police station. Gikahimut-an ni General Eleazar ang padagan ni Gov.Steve Chiongbian Solon nga anaa pirme ang pakigtambayayong sa Sarangani Provincial Police Office sa pagpanguna ni Col. Michael Lebanan.
Nakadayig si General Eleazar sa paggamit og statistics ni Solon aron sakto ma-respondehan ang pagpanakod sa COVID-19 gamit ang datus tungod ginahimo usab nya kini matud pa hilabi na kadtong sya pa ang commander sa PNP Joint Task Force COVID Shield.
Nihatag og plaque si General Eleazar ngadto kang Governor Solon isip pagpasalamat sa lig-on nga partnership sa LGU ug PNP.
Samtang si Governor Solon ang nagpahimo og oil painting diin gi-pinta ang nawong sa Heneral gamit ang pinasahi nga panapton sa T’nalak, gipinta sa sikat nga Tboli artist taga-munisipyo sa Kiamba, Sarangani Province nga si Ronald Tamfalan. Gipadal-an pa si General Eleazar og export quality nga Sarangani Bay bangus ug lamian nga organic upland rice gikan sa mga mag-uuma sa probinsya sa Sarangani.
