WALAY luwas nga mining tungod may kadaut kini nga mahatag sa kinaiyahan ug sa tawo.
Kini ang gisubli ni Fr. Angel Buenavides, vicar general sa Diocese of Marbel dungan sa pagpaklaro nga dili lang ang simbahan ang angayang magprotekta o maoy manguna sa pagpanalipod sa kinaiyahan apan ang tanang katawhan.
Gihingusgan niini kung padayung nga gub-on sa tawo ang kinaiyahan, musumbalik usab kini.
Ang gipunting ni Buenavides ang may kalabutan sa petition to revisit o review sa pagbawal sa open pit mining sa South Cotabato.
Sa karon aminado kini nga dako ang impluwensya ug kwarta nga gigamit sa dako nga korporasyon aron lang mapatigayon ang ilang pagmina sa lugar ug kung matuguna, daghan pa ang musunod ug gikabalak-an na ang halapad nga kadaut sa kinaiyahan.
Samtang giawhag niini ang katawhan nga paminawan online ang pagpamulong sa Obispo sa Diocese of Marbel may kalabutan sa estado sa kinaiyahan sa probinsya karong Setyembre 1 alayun kini sa launching sa Creation 2021.
