Gihingusgan sa National Economic Development Authority nga dili mamahimong magpatuman sa lockdown ang Northern Mindanao tungod sa nagkataas nga kaso sa COVID-19.
Gipasabot ni NEDA 10 Regional Director Mylah Faye Cariño nga layo ang posibilidad sa pag-lockdown tungod ang rehiyon maoy logistic hub sa Mindanao ug maoy net exporter sa rehiyon.
Giangkon sab sa NEDA nga lisud gayud ang pagtimbang o pagbalanse sa sitwasyon tungod tibuok Mindanao ang apektado sa pagahimuong lakang sa rehiyon ilabi na kung malambigit ang ekonomiya.
Subay niini, kinahanglan matud pa nga mahatag ang “Right Policy Environment” aron musaka pagbalik ang ekonomiya sa rehiyon.
Kahibaloan nga una nang migawas sa datos, nga miubos sa 5.2 percent ang ekonomiya sa rehiyon niadtong 2020 tungod sa epekto sa pandemya.
