Umpisa nga nagpanalasa ro COVID-19 pandemic ku nagtaliwan nga dag-on, disi-sais nga mga unga nga indi magnaba sa napueo ka dag-on ro mga namatay sa Western Visayas bangud sa nasambitan nga virus.
Base kay Dr. Daphynie Teorima, spokesperson it Department of Health (DOH) Region 6, katumbas raya it 0.7 porsyento it kabilugan nga 2,330 nga mga namatay sa COVID-19 sa rehiyon.
Samtang, 64.78 porsyento man it kabilugan nga numero it mga namatay sa rehiyon hay mga senior citizen.
Sa datos, may 10,973 aktibo nga mga kaso it coronavirus sa Western Visayas. 2,196 dikara hay kaeakip ro may edad nga 21 hasta 30 dag-on.
An-um nga porsyento it kabilugan nga aktibong kaso sa rehiyon hay mga unga nga nagaka-edad it siyam dag-un kaibahan ro mga eapsag nga 0.65 porsyento it kabilugan nga mga aktibo nga kaso./JIL B. LACSON
