Padayong giawhag sa Commission on Elections (Comelec)-XI ang publiko nga pahimuslan ang panahon sa pagparehistro ug dili na hulaton pa ang deadline niini sa Setyembre 30, 2021.
Sumala kang Atty. Gay Enumerables, assistant regional election director sa Comelec-XI, wala na matud pay igong rason ang mga botante ilabi na nga gilugwayan nila karon ang ilang voter registration hours.
Una niini gimando sa Central office nga sugod karong adlawa Agosto 23, patas-an ang oras sa rehistrasyon nga matag Lunes hangtud Biyernes sugod sa alas otso sa buntag hangtud na sa alas siete sa gabie samtang matag sabado ug holidays abli sila sugod alas otso sa buntag hangtud na alas singko sa hapon.
Tumong niini aron malikayan ang pagdasok sa mga botante ilabi na kung nagkaduol na ang deadline sa registration sanglit gipanglantawan sa ahensya nga modagsa ang magparehistro samtang nagkadool ang deadline.
Pahimangno sa COmelec nga padayon gihapon ang gipatuman nga hugtanong health protocols. BNFM-DAVAO
