MOABOT sa P100,000 ang danyos sa nahitabong sunog sa YCF Barangay San Antonio Agdao ning dakbayan pasado alas nwebe kagahapon sa buntag.
Una niini, niulbo ang kalayo sa usaka balay nga gipanag-iyahan ni Teodoro Alcasarin Tuble, 63-anyos nga daling girespondihan sa kabumberohan lakip ang USAR Unit sa Central 911.
Gilamoy ang pipila ka mga kabtangan sulod sa panimalay apan dali sab kini nga napakgang.
Hinungdan sa sunog mao ang unplugged extension wire sa washing machine nga mibilin og kapinP100,000.00 nga danyos.
Hinuon walay natalang casualty o naangol human ang insidente apan ang kabomberohan kanunay mag-amping ug icheck ang mga butang nga posibleng mamahimong tinubdan sa sunog.
