Paga kasuhan ru 3 mga persona nga aktong nadakpan it mga pulis nga naga tong-its sa Brgy. Unidos, Nabas, Aklan.
Sa report, nakilaea ru mga nadakpan nga sanday Perly Colorito, 46 anyos, Elen Daza, 43 anyos ag Yolanda Bnatang, 52, tanan mga residente it nasambit man nga lugar.
Narecover sa area it mga kapulisan ru 1 set nga baraha ag cash nga P832 nga taya.
Temporaryong gin detine ru mga persona sa Nabas Municipal Police Station ag maga pangatubang it kaso sa pag-eapas sa Presidential Decree 1602 o Illegal Gambling Law.//MARIVIC Y. ILIN
