Gin duea eon ru border control checkpoints sa entrance ag exit it Iloilo City kahapon, Agosto 17.
Kasunod ra sa pagpanaba it quarantine status it syudad halin sa enhanced community quarantine sa modified enhanced community quarantine.
Suno kay Iloilo City COVID-19 team spokesperson Jeck Conlu, bisan naka-MECQ ru syudad, gina patuman gihapon ru curfew sa syudad.
Gina pasugtan man ru pagbaligya it makahi-ielong nga ilimnon halin las 10:00 am hasta alas 6:00 pm pero gina bawaean gihapon ru pag-inom it maka hi-ielong nga ilimnon sa pampublikong lugar.
Samtang, gin pahayag ni Conlu nga suspendido ru inbound travel sa guwa it Panay ag Negros Island mag-eowas eang sa mga ROFs, APOR, ag returning residents.//MARIVIC Y. ILIN
