NAGBAHAD karon ang tag-iya sa Golden State College nga mupasaka og reklamo batok sa mga titser o tulunghaan nga naga-hold sa mga credentials sa mga estudyante nga gustong mag-enroll sa ubang tulunghaan.
Gipasibaw ni Sarah Manilay, ang maong reklamo pinaagi sa Brigada ug giangkon nga naka-istorya na si DepEd GenSan Schools Division Supt. Romelito Flores.
Segun ni Manilay nga kagustuhan sa mga estudyante kung gustong mobalhin og laing tulunghaan ug daghang parents matud pa ang nagreklamo kanila tungod gustong ma-enroll sa ilang tulunghaan ang ilang mga anak nga mag Grade 11 apan walay credentials.
Ang ubang rason matud pa tungod naka-work from home ug ang uban enrolled na.
Apan giklaro ni Flores nga aduna silay pre-enrollment nga nagsugod na adlawng Lunes, apan mahimo gihapong makatungha sa ubang tulunghaan, pribado o pampubliko kung gusto sa estudyante o ginikanan.
Wala usab daw katungod ang magtutudlo o tulunghaan nga pugngan ang records sa estudyante.
Gipasalig usab ni Flores nga sulbaron sa iyang level ang maong problema.
