Nakit-an nga sa state of decomposition eon ru bangkay it sangka eaeaki matapos nga gin maduea it tatlong adlaw.
Sa imbistigasyon it Malinao Municipal Police Station, nakilaea ru biktima nga si John Daryl Ituralde, 31 anyos it Brgy. Dangcalan, Malinao, Aklan.
Suno kay PEMS Michael Inaudito it Malinao MPS, eomabag sa curfew hour ru biktima kaibahan ru anang igkampod nga si Edgar Estoso, 25 anyos.
Halin sa sangka namatyan ru mga raya ag kat naga pauli eon sa andang panimaeay, gulping nakit-an ru patrol it Malinao Municipal Police Station ag ikara mansig paeagyo paeayo sa lugar.
Lumiksi sa 15 ft nga kataason it banglid si Ituralde agud mag panago sa mga kapulisan samtang si Estoso hay dumaeagan pauli sa andang panimaeay.
Gin maduea ru biktima it may kapin sa 3 adlaw rason nga gin usoy ni Brgy. Tanod Danilo Ituralde, ama it biktima.
Ag ku uilihi, bangud sa gin pangutana it ama ru kaibahan ku biktima nga si Estoso ag dayon gin saysay ru natabo.
Ikara eon gin usoy sa lugar ag nakita ru biktima nga sa state of decomposition bago makit-an.//MARIVIC Y. ILIN
