Tinutuyo it isla it Boracay nga maabot ro 6,000 ka mga turista adlaw-adlaw.
Bangud kara, naghimo it bag-ong marketing strategy ro lokal nga gobyerno pinaagi it pagre-brand sa isla.
Halin sa dating “The 24/7 Island”, ginbayluhan raya makarun it “Better Than Ever” nga ro buot hambaeon hay bukon eang it pang party-goers ro isla kundi pang family tourist destination man.
Halin Enero hasta Hulyo 25 makarung dag-on, ro Boracay hay nakalista it kabilugan nga 105,057 nga mga guests o may average it 510 nga bisita kada adlaw. / ANN DESLENE SALAZAR
