SORSOGON CITY – Inalis na ng Bureau of Fisheries and Aquatic Resources (BFAR) ang ibinabang shellfish advisory o red tide sa Sorsogon Bay nitong Agosto 2 ng kasalukuyang taon.
Maaari na umanong kumuha, magbenta at kumain ng mga uri ng shellfish na galing sa Sorsogon Bay.
Sinabi pa ng BFAR na hindi pa tinatanggal ang red tide warning sa coastal waters ng Milagros, Masbate; Dauis at Tagbilaran City sa Bohol; San Pedro Bay sa Western Samar; Matarinao Bay sa Eastern Samar; Dumanquillas Bay sa Zamboanga Del Sur; Murcielagos Bay sa Zamboanga Del Norte; Murcielagos Bay sa Misamis Occidental; Balita Bay sa Mati City Davao Oriental at Lianga Bay sa Surigao Del Sur na nananatiling positibo sa Paralytic Shellfish Poison (PSP) o toxic red tide.
Hindi pa umano maaaring kumuha, magbenta at kumain ng mga shellfish mula sa mga parte ng karagatan na ito.
