Pinasalamatan ni Senador Christopher Bong Go si Pangulong Duterte sa pagkilala niya sa kahalagahan ng isang Center for Disease Control and Prevention.
Ayon kay Go malaking bagay na nabanggit ito ng Pangulo sa kanyang huling State of the Nation Adress.
Noong Mayo 4 nang inihain ni Go ang Senate Bill No. 2158 na naglalayong magtatag ng Philippine Center for Disease Control and Prevention at kasalukuyan ito pending sa technical working group ng Senado.
Ayon kay Go mahalaga ang pagtatayo ng CDC dahil walang makapagsasabi kung meron pang pandemyang darating at kailangan umano nating maging proactive.
Ang Philippine CDC ang magiging pangunahing ahensya ng gobyerno na magpapatupad ng mga communicable disease control and prevention measures.
