SUGDAN ning adlawa, Hulyo 26 ang pagpabakuna sa mga senior citizens sa GenSan gamit ang bakuna nga ginama sa Russia nga mao ang Sputnik V.
Matud pa ni Dr. April Maquilang, Immunization Coordination sa City Health Office nga mokabat sa liboan ka mga senior citizen ang target nga mabakunahan sa Sputnik V.
Ang maong bakuna adunay interval nga 21 hangtud 42 ka adlaw bag-o mahatag ang ikaduhang dose. Dugang ihap kini sa mga senior citizens nga mabakunahan sa syudad, asa gamiton matud pa nga vaccination site ang mga dagkong mall.
