ANAA NA sa 27 ang aktibong kaso sa COVID-19 ning dakbayan sa Oroquieta, diin adunay 6 nga bag-ong nataptan pag-usab ning pipila ka mga adlaw nga nakalabay sa maong virus.
Gipagula kini nga datos sa Oroquieta City Health Office, kaniadtong Hulyo 24, ning tuiga, diin adunay 1 sa mga apektado ang nakarekuber.
Sa kinatibukan, mukabat na sa 31 kabuok ang gikatahong patay sa nasangpit nga virus, hangtod kaniadtong sa bulan sa Hulyo 24, diin pila na kasemana ang nakalabay nga adunay 1 natalaang namatay sa maong sakit.
Sa pagkakaron anaa na sa kinatibuk-ang ihap ang nakarekuber sa 774, ang kaso sa Covid-19 motaas og moubos kini, samtang, padayon nga gipatuman sa lokal nga kagamhanan ang pagsunod sa health protocol, diin ilabina nga aduna napod laing variant ang nakasulod sa nasud nga kinahanglan pangandaman._BNFM Oroquieta
