GIPAKATAG na ang mga pulis ug sundalo sa GenSan aron magpakita sa ilang presensya alayun sa ipahigayong last State of the Nation Address o SONA ni Pangulong Rodrigo Duterte ning adlawa.
Una nang gibutyag ni Col. Galileo Goyena, commander sa Joint Task Force GenSan kun JTF GenSan nga nagpakatag og mga sakop aron moabag sa kapulisan sa ilang pagbantay sa syudad.
Gilauman ang mga lihok protesta sa nagkadaiyang grupo ning adlawa ug bantayan kini sa kapulisan ug kasundalohan aron mapugngan ang dili maayong panghitabo nga himuon sa dautang grupo.
Gipakatag usab ni Police Col.Gilberto Tuzon, city PNP Director sa GenSan ang ubay ubayng mga sakop alang sa kahusay ug kalinaw sa syudad ning adlawa sa SONA.
Hinuon una nang gibutyag Tuzon nga kasamtangan wala pa silay nadawat nga bahad kalabut sa SONA.
