Giibot ug gisunog ang nadeskubrihang fully grown marijuana plants sa mga personahe sa Special Operation Unit Xl , PNP DEG (lead unit), Davao del Sur Provincial Office Kiblawan MPS, Kiblawan MFC, 1st DSPMFC, ug 39 IB Philippine Army kaabag ang PDEA sa bukirong bahin sa Sitio Siman Da-ag, Brgy. Tacub, Kiblawan, Davao del Sur buntag niadtong Sabado (July 24) .
Duha ka bulag nga plantasyon ang nadeskubrihan sa otoridad kungdiin usa sa mga plantasyon dunay total land area nga 600 square meters nga gitamnan ug 5,000 ka marijuana plants samtang ang ikaduhang site dunay land area nga 1,000 square meters ang gitamnan ug 10,000 ka punuan sa marijuana nga pulos mga fully grown na.
Mokabat sa 3 million pesos ang kinatibuk ang kantidad sa marijuana plants gikan sa total land area nga 1,600 square meters nga luna nga gitamnan ug 15,000 ka mga punuan sa marijuana.
Dugang imbistigasyon ang gilusad sa otoridad aron matino kinsa ang nagtanum sa daghang marijuana. BNFM-Davao
