Mokabat sa P4,900,000 kantidad sa imported nga sibuyas bombay nga iligal gipalusot sulod sa upat ka 40-footer containers ang naharang sa Bureau of Customs-Port of Davao.
Subay sa pahayag sa BOC-Davao kagahapon, ang maong mga kontrabando nasabat sa miaging July 21 nga gideklarang 2,500 packages nga pastries gikan sa China sa TEFASCO Wharf.
Dali nga giisyuhan og alert order sa ahensya ang consignee nga GBJ Consumers Goods human nasuta sa gihimong 100 percent physical examination ang 2,500 bags sa red onion nunot sa impormasyon gikan sa Intelligence Group (IG) and Enforcement Group
Gibutyag ni District Collector Lawyer Erastus Sandino B. Austria, naisyuhan na usab og Warrant of Seizure and Detention (WSD) nga maong consignee pinasubay sa Republic Act No. 10863 kon Customs Modernization and Tariff Act (CMTA) sa Section 1400 “Misdeclaration of Goods Description”
Dugang sa opisyal, ang mga misdeclared items ang wala nahisakop sa Sanitary and Phytosanitary Import Clearance (SPSIC) ug walay Commodity Clearance gikan sa Bureau of Plant Industry (BPI) pinasikad sa Department of Agriculture Administrative Order No. 02 Series of 2020.”
