Mag-uban na sulod sa selda ang magsilingan human gikiha sa kasong pagpanglugos ngadto sa korte sa ilang lugar.
Ang mga dinakpan nailang sila Johnrey Natad Mendez, 18 anyos, ulitawo, walay trabaho ug Rene Arrubio Samejon, 21 anyos, ulitawo, isa ka roofing installer ug parehong namuyo sa Purok 2, Barangay Alambique, lungsod sa Gigaquit, probensya sa Surigao del Norte.
Sumala ni Police Brigadier General Romeo Caramat, Jr., ang Regional Director sa Police Regional Office (PRO) 13, nadakpan ang mga nahisgotan subay sa gilusad nga manhunt operation sa kapulisan sa maong lungsod.
Kasamtangan, atubangon na sa mga nahisgotan ang kasong gipasaka batok kanila.
