Umabot na sa higit dalawampung libo ang inisyal na bilang ng mga indibidwal na bumibisita sa Heritage Park para puntahan ang kanilang mga mahal sa buhay.
Ayon sa ilan nating nakapanayam, mas minabuti nilang bumisita ng maaga upang maiwasan ang buhos ng mga tao ngayong hapon.
Sa kabilang banda, unti-unti na ring dumarami ang mga sasakyan na nagsisidaan sa C5 Road sa Taguig City.
Bagamat ayon sa ilang enforcer, posibleng mamayang hapon pa talaga magsimula ang pagkakaroon ng buhol-buhol na traffic.
Tuloy-tuloy naman din ang pulisya sa pagbabantay sa kaligtasan ng bawat bibisita rito.
