Tuluyan pang humina bilang isang tropical storm ang Bagyong Leon.
Huli itong namataan sa layong 645 kilometro hilaga hilagangkanluran ng Itbayat, Batanes.
Taglay ang lakas ng hangin na aabot ng 75 kilometro kada oras, at bugsong papalo ng hanggang 105 kilometro kada oras.
Maaalalang kaninang 01:30AM nang makalabas na ito ng Philippine Area of Responsibility.
Samantala – ngayong buwan ng Nobyembre, inaasahan ng PAGASA ang hanggang dalawang mga sama ng panahon.
Sakaling magtuloy – tatawagin itong mga Bagyong Marce at Bagyong Nika.
