Iniulat ng Commission on Elections (COMELEC) ang pag-extend ng deadline para sa paghahain ng petisyon laban sa mga nuisance candidates mula Oktubre 14-16, 2024.
Ang extension na ito ay alinsunod sa COMELEC Memorandum na may petsang Oktubre 11, 2024, at Memorandum Circular No. 66 ng Office of the President hinggil sa suspensyon ng trabaho sa mga lungsod ng Maynila at Pasay sa Oktubre 14 at 15 ngayong taon.
Ayon sa ahensya, pinag-utos ito ng Malacañang na suspindihin ang trabaho ng gobyerno at klase sa lahat ng antas sa mga naturang lugar para bigyang-daan ang Asia-Pacific Ministerial Conference on Disaster Risk Reduction (APMCDRR).
Ang nasabing event ay inaasahang magdudulot ng pagdami ng biyahe ng mga kalahok.
