Personal na binisita ni Interior Secretary Benhur Abalos Jr. ang burol ng walong taong gulang na batang babae na natagpuang wala ng buhay at nakasilid sa isang sako sa Taytay, Rizal.
Dito ipinaabot ng kalihim ang taos pusong pakikiramay sa naulilang pamilya ni Rylai Kaye Barrun.
Tiniyak din nito sa naulilang pamilya na tututukan nila ang kaso at tutulungan sila na makamit ang hustisya.
Samantala, nagpasalamat naman si Abalos sa Rizal PNP sa mabilis na pagkakaresolba ng kaso at pinuri ang mga kapulisan sa naging dedikasyon at effort nito na madakip ang suspek.
