Malipayon nga gin-abi-abi it Municipal Tourism Office it Malay ro mga estudyante ag mga professor halin sa Hanyang Women’s University, South Korea, nga nagbisita sa isla it Boracay.
Nagpatigayun ro mga raya it clean-up sa front beach halin sa Station 3 hasta sa Station 1, bilang suporta sa PROJECT PRISTINE.
Nagpaabot it pagpasaeamat ro MTO Malay sa nasambit nga grupo nga nagbulig it paglimpyo para mapabilin nga manami ro palibot it isla it Boracay. // ANN DESLENE SALAZAR
