Gibarugan sa kagamhanang lokal sa dakbayan sa Butuan nga na blind matod pa sila sa pag-abot sa barko diha sa Lumbocan nga gikan sa Indonesia.
Sumala ni Rey Desiata, ang City Administrator sa Butuan City Government, walay nahitabong koordinasyon sa kapitan sa barkong M/V Tug Clyde ug Barge Claudia ayha pa kini nakaabot sa Brgy. Lumbocan.
Pamugos ni Desiata, ang nag-swab test sa mga tripulante ang taga – Agusan del Sur kinsa dunay direktang contact sa maong barko.
Tungod niini, daling gilusad ang contact tracing ingon man imbestigasyon ug oras mahuman kini, ila gilayon kining iduso ngadto sa Department of Interior and Local Government (DILG).
Una niini, isa sa mga tripulante ang nikanaug sa barko, nisakay padung sa Cagayan de Oro aron mo uli sa Zamboanga samtang ang laing isa, nikanaug sa barko ug nangompra sa merkado.
