Nagpanagtag kang nagkalain-lain nga sahi kang bulig ang gobyerno probinsyal sa mga pumuluyo sa pira ka mga banwa sa sur nga bahin kang Probinsya kahapon nga adlaw kang Lunes, Agosto 19.
Bilang kabahin kang TUPAD Program kang Department of Labor and Employment, ginpalab-ot ang bulig pinansyal sa kapin 412 ka mga benepisyaryo sa diin 129 dya ang halin sa Anini-y, 190 sa Tobias Fornier, kag 93 sa Hamtic.
Nakabaton ang kada isara kananda kang P480 kada adlaw para sa 10 ka adlaw nga pag-obra nga may kabug-usan kang P4,800.
Ang Aid to Individuals in Crisis Situation (AICS) program naman ang nagpalab-ot man kang suporta sa LGBTQIA++ community nga nakapenepisyo sa 32 ka indibidwal halin sa San Jose kag Hamtic, kag 15 halin sa Tobias Fornier.
Samtang, nagpanagtag man kang sangka sako nga bugas para sa 35 ka nutritionally at-risk nga mga nagabusong sa Tobias Fornier agud mabatuan naman ang malnutrisyon paagi sa Provincial Nutrition Committee.
