Pinarerepaso ni PNP Chief Gen. Rommel Francisco Marbil ang Oplan Double Barrel ng PNP.
Paliwanag ni Marbil, ang kautusan ay para sa pagpapaigting ng kanilang recalibrated anti-illegal drugs campaign.
Sinabi ng PNP Chief na ang comprehensive review sa Oplan Double Barrel ay para matukoy ang lakas at kahinaan nito at kung malaman kung naging epektibo nga ba ito base sa mga nakalipas na operasyon.
Kaugnay nito, bubuo na rin ng review panel na magsasagawa ng assessment sa Double Barrel.
Pangungunahan ito ng Office of the Deputy Chief, PNP for Operations at may mga kinatawan ng PNP Quad Staffs—kasama ang Operations, Investigation, Intelligence, at Police Community Relations—gayundin ang Internal Affairs Service at PNP Human Rights Office.
#
