MIPAILAWOM sa suprisa ug expanded nga drug test ang 50 ka opisyal sa Police Regional Office (PRO) 12 sa Soccsksargen region.
Matud ni Police Major Risa Hernaez, spokesperson sa PRO-12 gipatawag alang sa pulong ang 50 ka high-ranking police officers.
Apan pag-abot nila sa venue, didto na nasuta nga sila ang ipailawom sa drug testing atong Lunes sa buntag.
Gipailawom sa drug test ang command group and regional staff, provincial ug city directors, commanders of mobile forces, and the chiefs of support units. Sa karon, gihulat pa sa PRO-12 ang pag-release sa resulta sa drug test sa forensice office.
Tumong niini, butyag ni Hernaez ang masiguro nga mga unit commanders ang magsilbing ehemplo sa ilang mga sakop ug komunidad dungan sa pagpakusog sa kampanya batok iligal nga droga.
Ang lakang ang gipangunahan sa Officer In charge sa PRO-12 nga si Brig. Gen. James Gulmatico. I Richel Gubalani
