Mariing kinukundena ng transport group na MANIBELA ang pagbalewala ni Pangulong Bongbong Marcos Jr. sa tunay na alalahanin ng sektor ng transportasyon.
Ito’y matapos niyang tablahin ang resolusyon ng Senado sa pagpapa-suspinde sa PUV Modernization Program.
Ayon sa grupo, nagpapakita ang pahayag ng Pangulo ng matinding kawalan sa pang-unawa at empatiya, na nag-alab ng galit sa libu-libong mga tsuper at operator na nahihirapan sa PUVMP.
Dagdag pa nito, maraming natatakot na mawalan ng kabuhayan dahil sa napakalaking gastos na nauugnay sa modernisasyon.
