Patay ang isang lalaki matapos itong pagsasaksakin sa Barangay Lutucan 1, Sariaya, Quezon nitong Lunes, Agosto 5.
Ayon sa pahayag ng anak ng biktima, nakikipag-inuman umano noon ang kanyang tatay sa mag-amang suspek nang magkaroon ng alitan sa pagitan ng biktima at ng anak.
Doon na rin makailang beses na pinagsasaksak ng tatay ang biktima na naging sanhi ng pagkamatay nito.
Sa ngayon, nagsasagawa ng follow up operation ang mga awtoridad upang madakip ang tumakas na mga suspek.
