Bigong makasungkit ng medalya ang pambato ng Pilipinas sa 2024 Paris Olympics pole vaulting na si World No. 2 EJ Obiena.
Hindi nakatuntong sa podium ang manlalaro dahil nagtapos siya sa ika-apat na pwesto sa finals ng men’s pole vault sa Stade de France.
Sa kanyang laban kaninang madaling araw, bigo si Obiena na matalon ang 5.95 meters sa tatlong pagkakataon.
Samantala, ang ang world No. 1 ng Sweden na si Mondo Duplantis ang nakapaguwi ng Gold medal.
Nananatili ang Pilipinas na may dalawang medalya sa 2024 Paris Olympics, na parehong nakamit ng Filipino gymnast na si Carlos Yulo.
