Naniniwala ang Land Transportation Franchising and Regulatory Board (LTFRB) na sinusuportahan pa rin ni Pangulong Bongbong Marcos ang Public Utility Vehicle Modernization Program (PUVMP) ng gobyerno.
Ito ay sa kabila ng inihaing resolusyon ng Senado na nagrerekomendang suspindihin na muna ang programa.
Kasabay ng kilos-protesta ng ilang drivers at operators, sinabi ni LTFRB chairperson Teofilo Guadiz III na tuloy-tuloy ang programa hanggang matapos ang final stages ng modernisasyon, lalo pa’t suportado ito ng pangulo.
Makakaasa umano ang mga Pilipino sa suporta mula sa Department of Transportation, at walang mangyayaring suspensyon.
