Kinilala ni Pangulong Bongbong Marcos ang pagkakaroon ng malayang pamamahayag sa pagtiyak ng masiglang demokrasya sa bansa.
Sa talumpati nito sa oath-taking ceremony ng Association of the Philippine Journalists- Samahang Plaridel Foundation Incorporated, hiningi ng Pangulo ang tulong ng media upang labanan ang paglaganap ng fake news sa social media at ang maling pag gamit sa Artifial Intelligence o AI.
Anya, makakatulong ang media na mabigyan ng kaalaman ang publiko para matukoy ang totoo sa fiction, at ang katotohanan kumpara sa gawa-gawang impormasyon.
Muli namang tiniyak ng Pangulo sa mga media practitioners na naka suporta ang kanyang administrasyon sa pag tiyak sa kanilang kaligtasan at kapakanan sa pamamagitan ng Presidential Task Force on Media Security.
