Wala nang buhay nang matagpuan ang 10 taong gulang na batang lalaki nang ma-trap sa nasusunog nilang bahay sa Merced St. Barangay 681 sa Paco, Maynila.
Ayon sa Bureau of Fire Protection, nagsimula ang sunog alas 10:20 kaninang umaga.
Tumagal ang sunog ng mahigit isang oras na itinaas pa sa ikalawang alarma bago idineklarang fire out.
Tinatayang nasa P70,000 ang halaga ng pinsala habang inaalam pa ng BFP ang pinagmulan ng apoy.
