Niubos ang gidaghanon sa mga tinun-an sa siyudad sa Mandaue sa elementarya ug high school.
Sa datos sa DepEd-Mandaue, anaa pa sa 59 mil ka mga tinun-an ang nakapaenroll.
Mas gamay kini itandi sa niaging school year nga muabot sa 67 mil ka mga estudyante.
Sa naandan, ang gidaghanon sa tinun-an mosaka o baka momentenar matag school year.
Nanghinaot ang division nga makuha ang target sa unang semana sa pagsugod sa klase.
Sagad sa mga wala pa nakapaenroll mga high school students.
Giawhag karun sa DepEd-Mandaue ang mga inahan nga wala pa nakapa-enroll, sa pagpa enroll na sa ilang mga anak.
