KANYA kanyang diskarte ang mga ginikanan aron makaangkon og school supplies ang mga anak alang karong academic year.
Matud ni Analyn Antonino, inahan nga dunay upat ka estudyante nasayod siya sa pagsaka sa presyo sa school supplies. Hinungdan nga nangeta sila og mga shopping center nga barato ang presyo ang presyo.
Samtang, nagguol usab ang inahan sa tulo ka estudyante nga si Joan Dumpa tungod wala pa nakumpleto ang school supplies sa mga anak. Duna usab mga daan nga school supplies ang subli niya gipagamit sa mga anak niini.
Giuna lang niini ang notebook, papel, lapis ug ballpen, hinay-hinayan na lang og palit sa mga mosunod nga adlaw ang mga kulang.
Giangkon nilang Antonino ug Dumpa nga hilabihan na nilang pagdaginot ug paningkamot aron makapalit ang mga kinahanglan sa mga anak sa pagsugod sa klase. Samtang, gibutyag ni Isagani Dela Cruz, Schools Division Superentendent sa Department of Education (DepED) –GenSan nga libre ang enrollment sa mga magtutungha. I Richel Gubalani
–
