Naugdaw ang 4 ka balay ug usa ka partially damage nga nakaamong sa pipila ka classroom sa Sapangdaku Elementary School sa nahitabong sunog sa Sitio Riverside Brgy. Sapangdaku, Cebu City alas 4:09 sa hapon, Biyernes, Hulyo 26, 2024.
Sa taho ni Fire Investigator sa Cebu City Fire Office, FO1 Pedie A. Canillas, gi-isa sa first alarm ang sunog. Nadawat ang alarma alas 4:09 sa hapon, na-kontrolar kini alas 4:32 samtang na-fire out alas 4:36 sa hapon.
Mokapin sa 750-mil ang danyos base sa pagbana-bana sa kabomberohan ug hinuon, wala ray gikataho nga naangol ug casualty sa maong sunog.
Matud ni Liza Maban, gisugo niya ang iyang anak sa pagpahibawo sa Barangay human nakita nga nagsugod ang kayo sa paglamoy sa balay ni Marissa Vergara nga ilang silingan.
Apan susihon pa kabomberohan ang hinungdan sa maong sunog sanglit walay tawo ang balay ni Marissa Vergara.
