Nagpadayon kagahapong adlaw ang Rescue Olympics nga gipasiugda sa Lapu-Lapu City Disaster Risk Reduction and Management Office.
Kung diin, nikabat sa 600 ka mga tinun-an gikan nagkadaiyang public schools sa 10 ka district sa Lapu-Lapu City ang nisalmot.
Ang mga partisipante niini gilangkoban gihapon sa elementary, junior high, ug senior high school.
Kung diin, sa ikaduhang adlaw, mas nitutok na sa skills competition sama sa water bucket relay, basic first aid, ug firefighting.
Matud ni Nagiel Bañacia, ang pangulo sa Lapu-Lapu CDRRMO, nga kini tungod kay usa sa giila nilang risgo sa dakbayan mao ang sunog.
Ang disaster risk reduction nalakip na sa curriculum sa DepEd Lapu-Lapu.
Maong segun pa ni Bañacia nga tinguha sa maong aktibidad nga masukod ang mga nakat-onan sa mga tinun-an.
