KALIBO, AKLAN—Nagapadayon do vaccination roll out sa bilog nga probinsya it Aklan.
Base sa datos ng Provincial Health Office (PHO) Aklan as of July 18, 2021, nagaabot sa 85% ukon 11,651 nga mga health care workers maghalin sa 13,739 master listed sa A1 eligible priority group do nakabaton it andang first dose ag 68 percent o 9,329 do fully vaccinated eon kontra sa deadly disease.
Sa bahin man it mga A2 priority group, 5% pa eamang ukon 2,774 nga mga senior citizens do nakakompleto it andang vaccinations, samtang 16,200 ukon 27 percent do nakabaton it first shot it bakuna.
Do probinsya man hay nakapag-administer it second dose sa 7% ukon 1,869 nga mga persons with comorbidities ag para sa mga tourism workers sa isla it Boracay, nakabaton it first dose do 2,998 ukon 60 percent maghalin sa target nga 5,000.
Sa pihak nga parte, owa pa naumpisahan do pagpabakuna sa mga indibidwal nga una sa priority group A5 ukon poor members of the population. // SHERRY ANNE REUNIR-VIDAL
