Sumailalim na sa isang oath taking ceremony si Senador Robin Padilla bilang bagong presidente ng Partido Demokratiko Pilipino (PDP).
Sa nasabing seremonya, makikita ang presensya nila Vice Chairman Alfonso Cusi at maging ang party auditor na si Sen. Christopher ‘Bong’ Go.
Bago pa ito, binanggit na ni Senador Francis Tolentino sa media ang posibilidad na si Padilla ang umupo sa pwesto.
Matatandaan, si dating Pangulong Rodrigo Duterte ang tumatayong chairman ng nasabing partido habang si Palawan 2nd District Rep. Jose Alvarez naman ang pinalitan sa pwesto ni Padilla.
