Dako nga bulig sa kumunidad ilabi na sa mga pumuluyo ang pagtukod sang Balay Silangan sa banwa sang Pontevedra agud mahatagan sang atensyon ang mga drug surrenderers nga magbalik sa ila normal nga pangabuhi.
Pormal nga gin-inagurahan ang Balay Silangan sang nakaligad nga Hulyo 16 nga nahamtang sa Brgy. Binuntucan, Pontevedra nga kabahin sang harm reduction efforts sang PDEA.
Katuyuan sang pasilidad nga mapatuman ang national drug reformation program pinaagi sa pagahatag sa ila sang nagakaigo nga edukasyon, livelihood program kag magaserbe bilang temporaryo nila nga puluy-an.| Ken Mark Gicalde
