Hugot nga ginapanindugan ni Capiz Provincial Veterinarian Dr. Leonil Abordo nga indi pa mangin permanente ang deklarasyon nga African Swine Fever Free ang probinsya bangud wala pa sang bakuna para sa mga kasapatan batok sa virus.
Suno pa kay Abordo, mahimo nga makahupot sang baboy apang padayon sini sa gihapon ang pagpaandam sang risgo bangud nagadugay ang virus sa isa lugar sang apat tubtob lima ka bulan, kag ginapakamaayo nalang sini nga magtukod sang piggery sa lugar nga wala sang kaso.
Maluwas naman sa blood sampling gikan sa mga kasapatan, nagapatigayon man ang ahensya sang environmental swabbing sa mga lugar kasubong sang merkado kag slaughter house nga masami madamo sang karne bilang isa sa requirements agud madeklarar ang lugar nga ASF free.| Frances Joy Preciosa
