“Nationality not for sale”
Ito ang binigyan-diin ng Bureau of Immigration kasabay ng pagpapasalamat sa mga mambabatas at iba pang law enforcement agecies sa pag aksyon sa problema tungkol sa mga pekeng Pilipino.
Ayon kay Immigration Commissioner Norman Tansingco, binuksan na nila ang problemang ito noon pang nakaraang taon, matapos nilang mahuli ang hindi bababa sa 10 foreign nationals na nagpanggap na mga Pilipino gamit ang mga pekeng dokumento.
Nakakakakuha aniya ang mga dayuhan ng mga Philippine documents matapos makakuha ng mga foundational documents kabilang na ang mga birth certificates.
Ayon kay Tansingco, maaaring gamitin ng mga dayuhan ang mga dokumentong ito para sa terorismo, heinous crimes, at panloloko.
